Səndən sonra
Bir SƏN var –
Səndən uzaqda…
Səndən sonra
Bir SƏN var –
Məndən uzaqda…
Mən uzaqdakı SƏN,
Sənsə yaxındakı MƏN.
Nə sən MƏNsən,
Nə mən SƏN.
Sən məndəsən…
İçimdəsən…
Səndən uzaqdakı SƏN
MƏNəm –
uzağa getmişəm.
Mənə yaxındakı SƏN
Mənəm –
hələ getməmişəm…
Səndən uzaqdakı SƏN
Tapmaca kimidir;
Ya ondadır, ya bunda…
Lap elə
Gizlən qaç, axtar tap
kimidir…
Bilməzsən,
Gizlənən kimdir,
Qaçan kim,
Axtaran kimdir,
Tapan kim…
Əsas gizlənən, qaçan
Axtarıb tapan deyil,
Əsas odur ki,
Sən varsan.
Səndən uzaqda,
Mənə yaxında,
Məndən uzaqda,
Sənə yaxında,
Bir SƏN var!
Səndən sonra da,
Məndən sonra da,
Bir SƏN olacaq!..
15,709 total views, 8 views today
